14 май 09:14
Янгиликлар

Эшкак эшиш, Паралимпия

Жаҳон чемпионатида муваффақиятли қатнашган пара каноэчиларимиз тантанали кутиб олинди

8-12 май кунлари Венгриянинг Сегед шаҳрида ўтказилган Жаҳон чемпионатида муваффақиятли иштирок этган пара каноэ бўйича Ўзбекистон терма жамоаси аъзолари бугун тонгда юртимизга қайтиб келишди.

Матонатли пара атлетларимиз Тошкент халқаро аэропортида Ўзбекистон Миллий паралимпия қўмитаси раҳбарияти, спортчи ва мураббийлар, оила аъзолари ҳамда оммавий ахборот воситалари вакиллари томонидан тантанали кутиб олинди.

Эслатиб ўтамиз, Венгриядаги Жаҳон чемпионатида 4 нафар ҳамюртимиз - Шаҳзода Мамадалиева (VL3), Иродахон Рустамова (VL2), Шахноза Мирзаева (KL3) ва Ҳасан Қўлдошев (KL3) Париж-2024 ёзги Паралимпия ўйинларига тўғридан-тўғри лицензияни қўлга киритганди.