Жаҳон чемпионатида полвонларимиз 17 та медаль қўлга киритишди + ФОТО

Катталар ўртасида ўтказилган ушбу жаҳон чемпионатида 38 давлатдан 250 нафарга яқин полвонлар ғолиблик учун гиламга чиқишди.

Қувонарлиси, Ўзбекистон белбоғли кураш федерацияси раиси Равшан Дастиров бошчилигидаги 18 нафар терма жамоамиз аъзолари (бош мураббий Аъзамжон Шокиржонов) ҳам мазкур жаҳон чемпионатида муносиб иштирок этиб, белбоғли курашнинг эркин ва классик йўналишларида 4 та олтин, 3 та кумуш ва 10 та бронза медалини қўлга киритишди ва умумжамоа ҳисобида фахрли иккинчи ўринни банд этишди.

Ғолиб спортчиларимиз бугун тонгда Ислом Каримов номидаги халқаро аэропортида тантанали кутиб олинди. Кутиб олиш маросимида Ўзбекистон белбоғли кураш федерацияси мутасаддилари, “Адолат” СДП вакиллари, спортчиларнинг ота-оналари, ва ОАВ воситалари ходимлари иштирок этишди.

Демак, қуйида жаҳон чемпионатида иштирок этиб, ғолиб ва совриндор спортчилари билан танишамиз:

Классик йўналиш

Олтин медаль

- 68 кг. Ойбек Султонбоев (Андижон)

- 90 кг. Шоҳжахон Ортиқов (Сирдарё)

Кумуш медаль

- 75 кг. Нусратулло Султонбоев (Андижон) 

Бронза медаль

- 100 кг. Нозимжон Иброҳимжонов (Фарғона)

- 62 кг. Жаҳонгир Ҳайитов (Наманган)

Эркин йўналиш

Олтин медаль 

-100 кг. Нодирбек Аҳаджонов (Тошкент ш.)

-66 кг. Мафтунабону Маҳмудова (Андижон)

Кумуш медаль 

-57 кг. Ҳусанбой Носиров (Андижон)

-90 кг.Жасурбек Исроилов (Андижон)

Бронза медаль соҳиблари:

-82 кг. Ҳусниддин Рўзиев (Андижон)

+100 кг. Аъзамжон Анваржонов (Андижон)

-62 кг. Достонбек Обиджонов (Наманган)

-68 кг. Муроджон Хамидов (Наманган)

-75 кг. Оғабек Аматбоев (Хоразм)

-52 кг. Мухлисахон Сотволдиева (Фарғона)

-57 кг. Манзураой Мўйдинова (Фарғона)

-76 кг. Зиёдахон Эргашева (Фарғона)  

Илҳом РАҲМОНОВ тайёрлади