Жаҳон чемпионатида қатнашган тўрт оғир атлетикачимизнинг бари юртимизга медаль билан қайтади

Ортда қолган яна бир кун делегациямиз учун муваффақиятли ўтди. -102 кг вазн тоифасида баҳс олиб борган Қудратбек Салимжонов барча дастурларда кумуш медалга сазовор бўлди.

Юртдошимиз даст кўтаришда 156 кг, силтаб кўтаришда 171 кг, икки курашда эса 327 кг натижа қайд этди. Ушбу йўналишда олтин медаллар қозоғистонлик Никита Абдраҳмановга насиб қилди.

Ўсмирлар ўртасидаги ЖЧ. Йигитлар, -102 кг:

1. Никита Абдраҳманов (Қозоғистон) – 348 (157+191) кг;

2. Қудратбек Салимжонов (Ўзбекистон) – 327 (156+171) кг;

3. Боқи Қиймет (Туркия) – 295 (132+163) кг.

Шу тариқа, мазкур мусобақада ҳамюртларимизнинг иштироки ўз якунига етди. Унда 4 нафар спортчи билан қатнашган жамоамиз 8 та кумуш ва 2 та бронза медалларини қўлга киритиб, барчалари диёримизга медаллар билан қайтадиган бўлишди.