Жаҳон чемпионатида сенсация - амалдаги чемпион Канада финалга чиқа олмади!

Швейцария терма жамоаси 1/2 финалда амалдаги жаҳон чемпиони Канадани буллитлар сериясида мағлубиятга учратиб, катта шов-шув сабабчига айланди. Банклар юрти вакиллари ўз тарихларида тўртинчи бор финалга йўл олишди. 2018 йилдан кейин илк бор финал Канадасиз ўтади.  

Прагадаги "О2 Арена"да ўтган учрашувнинг асосий вақтида 2:2 ҳисоби қайд этилди. Буллитлар сериясида эса омад швейцарияликларга кулиб боқди. Ғолиб жамоа таркибида Кевин Фиал ва Нино Нидеррайтер киритилган шайбаларга муаллифлик қилишди. Буллитлар сериясида ўша Фиал ҳамда Свен Андригетто "пенальтини" голга айлантиришди.

"О2 Арена"да ўтган иккинчи 1/2 финал учрашувида мусобақа мезбонлари Чехия терма жамоаси Швецияни йирик 7:3 ҳисобида доғда қолдиришди. Ғолиб жамоа таркибида Лукаш Седлак ва Доминик Кубалик дулбга эришишди. Давид Кемпф, Ондржей Каше ва Мартин Нечас ҳам бу оқшом ўз номларини таблога ёздириб қўйишди. Шведлар таркибида Маркус Юханссон, Маркус Петтерссон ва Йоэль Эрикссон Эка киритилган голларга муаллифлик қилишди.

Шу тариқа, бугун финалда Чехия ва Швейцария терма жамоалари жаҳон чемпиони номига ойдинлик киритиб олишади. Ярим финалда мағлуб бўлган Канада ва Швеция терма жамоалари ўзаро ўйинда бронза медалга ким лойиқлигини аниқлаб беришади.