03 сен 08:14
Янгиликлар
Дзюдо
Жаҳон чемпионатида тарих яратган ўсмирларимиз Ватанга қайтишди
Болгариянинг София шаҳрида ўтказилган кадетлар ўртасидаги Жаҳон чемпионатида муваффақиятли тарзда иштирок этиб, ўзбек дзюдоси тарихида янги саҳифа очган ўсмирларимиз юртимизга қайтиб келишди.
Музаффар спортчиларимиз ва уларнинг мураббийларини Ислом Каримов номидаги Тошкент халқаро аэропортида Спорт вазири ўринбосари Мурод Исмоилов, Миллий олимпия қўмитаси раиси ўринбосари Шерзод Ташматов, федерация мутасаддилари, дзюдочиларимизнинг оила аъзолари ҳамда оммавий ахборот воситалари ходимлари кутиб олишди.
Эслатиб ўтамиз, София татамиларида Ўзбекистон ўсмирлар терма жамоаси 5 та олтин ва 2 та бронза медали билан Япония, Грузия, Озарбайжон, Мўғулистон, IJF сингари дунёнинг 71 давлати орасида умумжамоа ҳисобида биринчи ўринни эгаллади. Шунингдек, дзюдочиларимиз аралаш жамоавий баҳсларда ҳам финалга қадар етиб бориб, илк бор кумуш медални қўлга киритишди.
Ҳавола :
Манба : t.me/judouz
Фикрлар