01 июн 16:41
Янгиликлар

Паралимпия

Жаҳон чемпионатида тенгсиз бўлган пара шашкачиларимиз Ватанимизга қайтишди

Якунланаётган ҳафта Туркиянинг Анталия шаҳрида пара шашка бўйича Жаҳон чемпионати бўлиб ўтди.

Қувонарлиси, мазкур дунё биринчилигида иштирок этган Ўзбекистон терма жамоаси аъзолари биттадан олтин, кумуш ва бронза медалларини қўлга киритишди. Шунингдек, терма жамоамиз классик жамоавий йўналишда саккизта давлатдан келган 70 нафардан ортиқ спортчилар орасида биринчи ўринни эгаллади.

Матонатли пара шашкачиларимиз юртимизга қайтиб келишди. Уларни Ватан остонасида Спорт вазирлиги ҳамда Кўзи ожизлар спорт федерацияси раҳбарияти тантанали қарши олишди. Мутасаддилар терма жамоамиз делегациясини ушбу юксак натижа билан табриклаб, келгусида бўладиган нуфузли мусобқаларда ҳам омад тилади.