12 окт 08:21
Янгиликлар

Дзюдо

Жаҳон чемпионатида умумжамоа ҳисобида 11-ўринни эгалладик + Жадвал

Италиянинг Сардиния ороли Олбия шаҳрида ўтказилган ёшлар ўртасидаги жаҳон чемпионати ҳам тарих саҳифаларидан жой олди.

Бир ҳафта давом этган дунё биринчилигида 5 қитъаси 72 давлатидан 490 нафар дзюдочи медаллар учун татамига чиқди. Юртимиз шарафини Улуғбек Азизов мураббийлигида тўлиқ таркибдаги дзюдочиларимиз ҳимоя қилишди. Якунда 1 та кумуш ва 1 та бронза медалини қўлга киритган спортчиларимиз умумжамоа ҳисобида 11-ўринни эгалладик.

Таққослаш учун, 2019 йилнинг 12-24 октябрь кунлари Марокашда ўтган ёшлар ўртасидаги жаҳон чемпионатида энг яхши натижамиз 5-ўрин бўлган эди. Дилшодбек Йўлдошев -66 кг вазнда кучли бешликдан жой олганди.

Италиядаги жаҳон чемпионати эса тўлалигича Грузия терма жамоасига аталди. Улар 4 та олтин ва 1 та бронза медали билан умумжамоа ҳисобида биринчи ўринни эгаллашди.