18 окт 13:44
Янгиликлар

Бокс/ММА

Жаҳон чемпионатида йўқотишсиз одимлаяпмиз. Беш нафар боксчимизнинг барида ғалаба!

Черногориянинг Будва шаҳри мезбонлик қилаётган бокс бўйича ёшлар ўртасидаги жаҳон чемпионатининг иккинчи кунги баҳслари ортда қолди.

Қувонарлиси, кун давомида рингга кўтарилган беш нафар боксчимизнинг бари ғалаба қозониб, дунё биринчилигининг иккинчи даврасига йўл олди.

Энг муросасиз жанг қизлар ўртасида -54 кг вазн тоифасида ўтказилди. Муросасиз кечган баҳсда вакиламиз Шодиёна Мелиқўзиева ҳиндистонлик рақибас Жойшри Чиромни 3:2 ҳисобида таслим этди.

Боксчиларимизнинг натижалари билан танишинг:

-54 кг: Шодиёна Мелиқўзиева — Жойшри Чиром (Ҳиндистон) - 3:2

-70 кг: Зулфиқор Адҳамжонов — Акаки Басариа (Грузия) - 5:0

-90 кг: Асадбек Султанбоев — Норман Симмонс (Панама) - 5:0

-65 кг: Аселя Тулегенова — Бенниелис Перез (Венесуэла) - 4:1

-65 кг: Жаҳонгир Зайниддинов — Богдан Шашликоу (Беларусь) - 3:1.