Жаҳон чемпионатидан медаллар шодаси билан қайтган қорақалпоғистонлик белбоғли курашчилар кутиб олинди

Дунёнинг ўттиздан зиёд давлатининг сара курашчилари жам бўлган жаҳон чемпионатининг белбоғли кураш йўналиши эркин ва классик йўналишида иштирок этган терма жамоамиз 21 та олтин, 11 та кумуш ва 26 та бронза медалини қўлга киритиб, умумжамоа ҳисобида фахрли биринчи ўринни эгаллади.

Албатта, ушбу жаҳон чемпионатида етакчилик қилишда миллий терма жамоа таркибидан жой олган Қорақалпоғистон полвонларининг ҳам натижалари эътирофга сазовор.

Бокенбай Садуакасов, Қайрат Сариев ва Қайнарбек Сариев шогирдларидан Лаззат Зерипбай қизи (катталар, 76 кг.) 3-ўрин, Севара Шаженова (U-20, 66 кг.) 1-ўрин, Молдир Алимбаева (U20, 48 кг.) 1-ўрин, Жасмина Оралбаева (U20. 63 кг.) 2-ўринни банд этди. 

Шу тариқа, Қозон шаҳрида ўтган жаҳон чемпионатида муносиб иштирок этган ва ёрқин ғалабаларни қўлга киритган нукуслик спортчилар ҳам қайтиб келишди. Шу куни олимпия ва миллий спорт турлари бўйича Нукус олий спорт маҳорати мактабида ғолиб спортчиларни тантанали кутиб олиш маросими бўлиб ўтди. 

Маросимда Қорақалпоғистон Спорт вазирлиги, олимпия ва миллий спорт турлари бўйича Нукус олий спорт маҳорати мактаби, Қорақалпоғистон давлат университети, Ўзбекистон давлат жисмоний тарбия ва спорт университети Нукус филиали вакиллари, спортчиларнинг ота-оналари ва яқинлари иштирок этишди. 

Илҳом РАҲМОНОВ тайёрлади