Жаҳон чемпионатига йўл оладиган терма жамоамиз таркиби маълум + ПОСТЕР

Мусобақа стартига 5 кун қолган бир пайтда сайёрамизнинг 5 қитъаси 110 давлатидан жами 683 нафар (362 эркак, 321 аёл) дзюдочи Халқаро дзюдо федерациясининг расмий    сайтида рўйхатдан ўтган. Улар орасида Ўзбекистон терма жамоасининг 17 нафар дзюдочиси ҳам бор.   

Таркибдан биргина Музаффарбек Тўрабоев ўрин олмаган. -100 кг вазн тоифасида Ўзбекистондан ҳеч ким жаҳон чемпионатида иштирок этмайди. Шунингдек, аёллар ўртасидаги -63 кг вазн тоифаси беллашувларида ҳам биздан ҳеч ким бўлмайди. 

Мураббийлар штаби ушбу имкониятдан бошқа вазнларда икки нафардан дзюдочини олиб кетиш орқали фойдаланишган. Эркаклар ўртасидаги -60, -66 ва -73 кг вазнларда камида икки нафардан Париж-2024 Олимпиадаси лицензияси зонасидаги дзюдочилар бор. Чемпион 2000 очкога эга бўладиган жаҳон чемпионати Олимпиада учун рейтингга очко берадиган сўнгги мусобақа ҳисобланади. Айнан жаҳон чемпионати Олимпиадага борадиган дзюдочиларни аниқлаб беради.                 

Терма жамоамиз таркиби:

Эркаклар 

-60 кг: Дилшодбек Баратов, Достон Рўзиев

-66 кг: Сардор Нуриллаев, Муҳриддин Тиловов

-73 кг: Муроджон Йўлдошев, Шаҳрам Аҳадов 

-81 кг: Шарофиддин Болтабоев

-90 кг: Давлат Бобонов 

+100 кг: Алишер Юсупов

Аёллар 

-48 кг: Ҳалимажон Қурбонова 

-52 кг: Диёра Келдиёрова, Сита Кадамбаева 

-57 кг: Шукуржон Аминова

-70 кг: Шоҳиста Назарова, Гулноза Матниязова

-78 кг: Ирисхон Қурбонбоева 

+78 кг: Рината Илматова