Жаҳон чемпионатини 1 та кумуш медаль билан якунладик. Энди навбат жамоавий баҳсларга!

Ҳозиргина энг сўнгги умидимиз - Бекмурод Олтибоев (+100 кг) учинчи давра учрашувида нидерландиялик Рой Мейерга имкониятни бой берди. Бу Бекмуроднинг ушбу жаҳон чемпионатидаги биринчи баҳси эди. Шунинг билан Ўзбекистон терма жамоасининг жаҳон чемпионати яккалик баҳсларидаги иштироки якунланди. Давлат Бобоновнинг кумуш медали ягоналигини сақлаб қолди. Диёра Келдиёрова (-52 кг), Ҳикматуллоҳ Тўраев (-73 кг) ва Шарофиддин Болтабоев жаҳон чемпионатини кучли бешлик ҳамда қимматли 720 рейтинг очкоси билан тугатишди. 

Эслатиб ўтамиз, Ўзбекистон терма жамоаси жаҳон чемпионатининг жамоавий баҳсларида иштирок этади. Илиас Илиадис шогирдлари қуръа натижасига кўра илк босқичда мезбонлар - Венгрия терма жамоасига қарши татамига чиқадилар. Ғалаба қозонган тақдиримизда чорак финалда Бразилия - Қозоғистон жуфтлиги ғолибига рўбарў бўламиз.