17 мар 11:33
Янгиликлар

Қишки спорт турлари

Жаҳон чемпионатини 8-ўринда якунлаган Даниил Ейбог ўз шахсий рекордини янгилади

Аввал хабар берганимиздек, Хитойнинг Пекин шаҳри шорт-трек бўйича катталар ўртасидаги Жаҳон биринчилигига мезбонлик қилди.

Мусобақада Ўзбекистон терма жамоаси аъзоси Даниил Ейбог учта масофада стартга чиқди.

Жумладан, 500 метр масофага кечган баҳсларда Ейбог В финалига қадар етиб келди. Якунда у саккизинчи натижани кўрсатиб, ушбу масофадаги дунёнинг энг кучли 10 спортчиси қаторида қайд этилди.

Бундан ташқари, Даниил 1500 м ва 1000 м масофаларда ярим финалнинг ўтиш босқичига қадар етиб борди.

Ўзи учун яккалик масофаларидаги илк Жаҳон чемпионатига айланган мусобақада Ейбог 39.930 натижа билан 500 м масофадаги шахсий рекордини янгилагани ҳам аҳамиятга молик.