03 окт 08:09
Янгиликлар

Дзюдо

Жаҳон чемпионатининг биринчи кунидан сўнг нечанчи ўриндамиз?

Тожикистон пойтахти Душанбе шаҳри мезбонлик қилаётган ёшлар ўртасидаги жаҳон чемпионатининг биринчи куни ҳам ортда қолди.

Кечаги кун доирасида -60 кг вазн тоифасида юртимиз шарафини ҳимоя қилган Муродил Муродиллаев терма жамоамизга бронза медалини тақдим этди. Ўзбекистон терма жамоаси 67 давлат орасида умумжамоа ҳисобида кучли бешликдан жой олган. Биздан юқорида турган Бразилия ҳисобида ҳам битта бронза медали бор.

Кутилганидек, медаллар жамғариш бўйича Япония терма жамоаси мутлақ етакчи. Дзюдо ватани вакиллари илк кунги баҳсларда 3 та олтин, 3 та кумуш медаль қўлга киритишди. Битта олтин медалга эга Хитой терма жамоаси иккинчи ўринни банд этган бўлса, кейинги поғоналардан Тожикистон ва Италия терма жамоалари жой олишган.