Жаҳон чемпионатининг ҳар бир чизиғи бўйича энг яхшилари аниқланди

Чехиянинг чемпионлиги билан тугаган мусобақа ташкилотчилари ҳар бир чизиқ бўйича энг яхши хоккейчиларни эълон қилишди. 

Энг яхши дарвозабон сифатида Чехия терма жамоаси посбони Лукаш Достал тан олинди. Жаҳон чемпионатида 23 ёшли Достал жами 8 та учрашув ўтказиб, ўртача 93,9 фоиз зарбаларни бартараф этишга муваффақ бўлди. 

Энг яхши ҳимоячи швейцариялик Роман Йози бўлди. 33 ёшли Йози 10 та ўйинда 12 (3+9) очко тўплади ҳамда фойдалилик кўрсаткичи бўйича "+4" олди.

Энг яхши ҳужумчи сифатида Швейцария терма жамоасининг яна бир вакили Кевин Фиала эътироф этилди. У 13 (7+6) очко жамғариб, 8 учрашувда фойдалик коэфиценти "+6" бўлди.