Жаҳон чемпионатининг иккинчи кунги баҳслари якунига етди

Бироз аввал рапид йўналиши бўйича 9-тур учрашувлари бўлиб ўтди. Рапид бўйича амалдаги жаҳон чемпиони Нодирбек Абдусатторов бу турда қора доналарда россиялик Даниил Дубов билан дуранг ўйнади. Бу билан Нодирбек очколари сонини 7 тага етказиб, қўшимча коэфицентларга кўра 3-ўринни эгаллаб турибди. Бу турда амалдаги жаҳон тожи соҳиби Магнус Карлсен қора доналарда ўйнашига қарамай, грузиялик Гига Купарадзени мағлубиятга учратди. Ушбу ғалаба норвегияликка 7,5 очко билан якка пешқадам бўлиб олишини таъминлади. 

Биринчи аёл гроссмейстеримиз Нафиса Мўминова бу турда ҳам мағлубият аламини тотиб кўрди. Ҳамюртимиз оқ доналарда ўйнаб, украиналик Анна Ушенинага имкониятни бой берди. Бу турда Умида Омонова россиялик Ольга Гирья билан дурангга имзо чекди. Афруза Ҳамдамова эса қозоғистонлик Лия Курмангалие билан очколарни бўлашиб олди. 

Шахматчиларимизнинг 9-турдаги натижалари (эркаклар): 

Даниил Дубов (FIDE, 2741) - Нодирбек Абдусатторов (2676) 0,5-0,5

Ричард Раппорт (Руминия, 2802) - Нодирбек Якуббоев (2573) 0,5-0,5

Жавоҳир Синдаров (2596) - Бардия Данешвар (Эрон, 2419) 0,5-0,5

Жаҳонгир Воҳидов (2529) - Максим Матлаков (FIDE, 2671) 0-1

Шамсиддин Воҳидов (2481) - Роберт Ховханнисян (Арманистон, 2630) 0,5-0,5

Муҳиддин Мадаминов (2337) - Арян Тари (Норвегия, 2556) 0,5-0,5

Ндерим Сарачи (Косово, 2441) - Муҳаммадзоҳид Суяров (2089) 0-1

Ҳумоюн Бегмуратов (2292) - Азиз Дегенбаев (Қирғизистон, 2039) 1-0

Қизларимизнинг 8-турдаги натижалари:

Нафиса Мўминова (2242) - Анна Ушенина (Украина, 2371) 0-1

Умида Омонова (2059) - Ольга Гиря (FIDE, 2328) 0,5-0,5 

Лия Курмангалие (Қозоғистон, 2114) - Афруза Ҳамдамова (2052) 0,5-0,5