Жаҳон чемпионатининг иккинчи кунидан сўнг нечанчи ўриндамиз?

Кечаги кун доирасида 3 та вазн тоифасида ғолиб ва совриндорлар аниқланди. Ҳозирча ҳеч бир давлат делегациялари 2 та олтин медалга эга чиқмаган. Япония, Италия, Мўғулистон, Корея Республикаси, Озарбайжон ва Грузия терма жамоалари дзюдочилари жаҳон чемпионатининг олтин медалини расмийлаштириб улгуришди. Мана шу олти мамлакат терма жамоалари иккинчи кунги беллашувлардан сўнг медаллар жамғариш бўйича етакчилик қилишяпти. 

Биттадан кумуш ва бронза медалига эга Канада терма жамоаси 7-ўринни банд этган бўлса, Ўзбекистон делегацияси 1 та кумуш медаль эвазига 8-поғонадан жой олган. Топ-10`таликни Хитой Тайпейи ва Қозоғистон терма жамоалари якунлаб берган. Диёра Келдиёрова жаҳон чемпионатининг илк куни -52 кг вазн тоифасида терма жамоамиза кумуш медални тақдим этганди.