Жаҳон чемпионатининг сўнгги куни олдидан медаллар жамғариш бўйича ҳамон пешқадаммиз!

Дунё биринчилигининг ортда қолган учинчи кунги баҳсларидан кейин ҳам Ўзбекистон терма жамоаси медаллар жамғариш бўйича карвонбошиликни сақлаб қолди. Дзюдочиларимиз қўлга киритган медаллар сони 6 тага етди, шундан 4 таси олтин медаль экани қувонарли ҳолат. Олтин медаллар бўйича барча даврлардаги рекордларимизни янгиладик. 

Иккинчи ўринни IJF байроғи остида курашаётган россиялик дзюдочилар 3 та олтин, 3 та бронза медали билан банд этишган. Дзюдо ватани япониялик дзюдочилар 1 та олтин ва 2 та кумуш медаль билан учинчи ўринга кўтарилиб олишди. Кучли ўнталикдан Бразилия, Қозоғистон, Мўғулистон, Сербия, Туркия, Грузия ва Бельгия терма жамоалари жой олган.