Жаҳон чемпионатининг учинчи кун баҳслари олдидан шахматчиларимиз нечанчи ўринларда боришяпти?

Умумий мукофот жамғармаси 1 миллион АҚШ долларини ташкил этган жаҳон биринчилигининг иккинчи кунги баҳсларидан сўнг энг яхши натижани кутилганидек Нодирбек Абдусатторов қайд этиб турибди. 

Рапид йўналишида амалдаги жаҳон чемпиони, ўз унвонини ҳимоя қилаётган Нодирбек ўтказилган 9 партияда 7 очко жамғариб, 178 шахматчи орасида қўшимча кўрсаткичларга кўра 3-ўринни эгаллаб турибди. Иккинчи поғонада бораётган россиялик Владимир Федосеев ҳисобида ҳам 7 очко бор. 

Жаҳон тожи соҳиби Магнус Карлсен эса 7,5 очко билан турнир жадвалида пешқадамлик қиляпти. Абдусатторов 9 партиянинг 6 тасида ғалаба қозонди, икки бор дуранг ўйнади ва фақат норвегиялик Магнус Карлсенга имкониятни бой бериб қўйди. 

9-турдан кейин шахматчиларимиз эгаллаб турган ўринлар:

3. Нодирбек Абдусатторов - 7 очко

30. Нодирбек Якуббоев - 5,5 

79. Жавоҳир Синдаров -5

89. Шамсиддин Воҳидов - 4,5

115. Муҳиддин Мадаминов - 4

123. Жаҳонгир Воҳидов - 4 

142. Муҳаммадзоҳид Суяров - 3,5

161. Ҳумоюн Бегмуратов - 3

Аёллар ўртасида кеча 4 та партия ўйналди. Қизларимиздан энг яхши натижага Умида Омонова эришиб турибди. Кеча у 3 ғалаба ва бир дуранг натижа қайд этди. Омонова қўшимча кўрсаткичларга кўра 4,5 очко билан 89-поғонадан 40-ўринга кўтарилиб олди. 27-ўринни эгаллаб турган шахматчида ҳам 4,5 очко бор. 

Узоқ танаффусдан сўнг терма жамоага қайтган мамлакатимизнинг биринчи аёл гроссмейстери Нафиса Мўминова эса 8 имкониятдан 4 очко жамғарди ва қўшимча кўрсаткичларга кўра 98 иштирокчи орасида ҳозирча 44-поғонага жойлашган.  

Қизлар

40. Умида Омонова - 4,5 очко

44. Нафиса Мўминова - 4 

64. Афруза Ҳамдамова - 3,5