Жаҳон чемпионатининг учинчи кунидан сўнг нечанчи ўриндамиз?

Учинчи кун доирасида 2 та вазн (эркакларда -81, аёлларда -63 кг) тоифасида ғолиб ва совриндорлар аниқланди. Грузия терма жамоаси биринчилардан бўлиб жаҳон чемпионатининг 2 та олтин медалини қўлга киритди ва умумжамоа ҳисобида якка пешқадамга айланиб олди. 

Кеча еттинчи давлат - Нидерландия жаҳон чемпионатининг олтин медалига эга чиқди. Шу кунгача Япония, Италия, Мўғулистон, Корея Республикаси ва Озарбайжон терма жамоалари дзюдочилари ҳам жаҳон чемпионатининг олтин медалини расмийлаштириб улгуришганди. 

Биттадан кумуш ва бронза медалига эга Канада терма жамоаси 8-ўринни банд этган бўлса, Ўзбекистон делегацияси 1 та кумуш медаль эвазига 9-поғонадан жой олган. Топ-10`таликни Хитой Тайпейи терма жамоаси якунлаб берган. Ён қўшниларимиз Қозоғистон ва Тожикистон делегациялари ҳисобида 1 тадан бронза медали бор. 

Уч кунлик беллашувлар якунига кўра жами 19 давлат жаҳон чемпионатининг камида 1 та бронза медалини қўлга киритган.