Жаҳон чемпионатининг учинчи кунидан сўнг учта медаль билан нечанчи ўриндамиз?

Кечаги кун доирасида -90 кг вазн тоифасида юртимиз шарафини ҳимоя қилган Алишер Саманов терма жамоамизга учинчи бронза медалини тақдим этди. Ўзбекистон терма жамоаси 3 та бронза медали билан 67 давлат орасида умумжамоа ҳисобида 9-ўринни эгаллаб турибди. 

Медаллар жамғариш бўйича Япония терма жамоаси жуда катта устунлик билан мутлақ етакчи. Дзюдо ватани вакиллари 6 та олтин, 4 та кумуш, 1 та бронза медалини қўлга киритиб улгуришган. Битта олтин, 2 та кумуш медалга эга Хитой терма жамоаси иккинчи ўринни банд этган бўлса, кучли учликка франциялик дзюдочилар 1 та олтин ва 1 та бронза медали билан якун ясашган. 

Биздан аввалги поғоналардан Австрия, Грузия, Италия, Тожикистон ва Швейцария терма жамоалари жой олишган. Жами 18 давлат терма жамоалари ҳисобида камида 1 тадан бронза медали бор. Беш давлат олтин медалга эга бўлиб турибди.