28 окт 08:14
Янгиликлар

Бокс/ММА

⚡️Жаҳон чемпиони Абдумалик Халоковнинг профессионал боксдаги дебют жанги рақиби, санаси ва манзили маълум бўлди

Маълум қилганимиздек, 17 ноябрь куни Тошкентдаги "Ҳумо Арена" мажмуасида Lift Promotions компаниясининг катта профессионал бокс оқшоми ўтказилади.

Мусобақадан ўрин олган яна бир жанг маълум бўлди.

Унга кўра, ҳаваскорлар ўртасида жаҳон чемпиони, яқиндагина Хитойнинг Ханчжоу шаҳрида бўлиб ўтган XIX Осиё ўйинлари ғолиби бўлган Абдумалик Халоков Тошкентда рингга кўтарилади. Унга 17 ноябрь куни украиналик Олександр Егоров (20-9-1) рақиблик қилади. Жанг енгил вазн тоифасида (61,2 кг) ўтказилади.

Қайд этиш жоиз, бу Абдумалик Халоков учун профессионал боксдаги дебют жанг бўлади.

Аввалроқ, ушбу турнир доирасида ўзбекистонлик боксчилардан Баҳодир Жалолов, Миразизбек Мирзаҳалилов, Мужибилло Турсунов жанг қилиши ҳақида хабар берган эдик.