20 янв 21:21
Янгиликлар
Бокс/ММА
Жаҳон чемпиони бўлган ўзбек боксчиси камида 100 минг доллар ишлаб олиши мумкин
Халқаро бокс ассоциацияси (AIBA) маркетинг комиссияси раиси ва Россия бокс федерацияси бош котиби Умар Кремлёв бокс бўйича жаҳон чемпионати совриндорлари учун бериладиган пул миқдорини эълон қилди.
"Жаҳон чемпионлари 100 минг доллардан пул олишади. Кумуш медалга 50 минг, бронза медалига эса 25 минг доллардан берилади", - деди Кремлёв.
Ҳозирча ушбу пуллар қайси жаҳон чемпионати учун берилишига аниқлик киритилмаган.
Маълумот учун, 2021 йилги жаҳон чемпионати Ҳиндистоннинг Нью-Дели шаҳрида ўтказилади.
Эслатиб ўтамиз, 2019 йилнинг сентябрь ойида Екатеринбургда ўтказилган жаҳон чемпионатида Шаҳобиддин Зоиров, Миразизбек Мирзаҳалилов, Баҳодир Жалолов олтин, Дилшодбек Рўзметов кумуш ва Бобоусмон Батуров бронза медалига сазовор бўлганди. Боксчиларимиз юртимизга қайтиб келишганидан сўнг "Президент совғаси" сифатида автомашиналар, ҳукумат томонидан пул мукофоти, шунингдек вилоят ҳокимлари томонидан совғалар берилганди.
Ҳавола :
Фикрлар