14 мар 17:17
Янгиликлар

Бокс/ММА

Жаҳон чемпиони Хильберто Рамирес Бенавидес билан жанги учун ўзбекистонлик боксчилар билан тайёрланмоқда (ФОТО)

2 май куни АҚШнинг Лас-Вегас шаҳридаги T-Mobile Arena мажмуасида йирик проф бокс оқшоми бўлиб ўтади.

Оқшом доирасида биринчи оғир вазн тоифасида WBO йўналиши чемпиони, мексикалик 34 ёшли Хильберто Рамирес ярим оғир вазнда WBC камари соҳиби бўлиб турган 29 яшар америкалик Девид Бенавидесга қарши рингга кўтарилади.

Жанг Рамиресга тегишли WBO камари учун ўтказилади.

Аҳамиятлиси, Хильберто мазкур жанг учун ўзбекистонлик чарм қўлқоп усталари — Жаҳонгир Зокиров ва Раҳматулло Бойматов билан машғулот олиб бораётгани маълум бўлди. Аввалроқ, Зокиров ва Бойматов UFC раҳбари Дана Уайт бошчилигидаги Zuffa Boxing Лигасига қўшилиши ҳақида хабар берган эдик.