Жаҳон Кубоги. Финалнинг иккинчи партиясида яна муроса, Абасов имкониятдан фойдалана олмади

Эркаклар ўртасидаги баҳсларда финал ҳамда 3-ўрин учун учрашувнинг иккинчи партиялари ўйналди. Учинчи ўрин учун кечаётган учрашувда мусобақа кашфиётига айланган озарбайжонлик Нижат Абасов дунё рейтингида учинчи ўринни эгаллаб турган америкалик Фабиано Каруанани мағлуб этишни уддалаганди. Иккинчи партияда Каруана ғалаба қозониб, мувозанатни тиклади.    

Ҳал қилувчи финал баҳсида эса собиқ жаҳон чемпиони, норвегиялик Магнус Карлсен яна бир кашфиёт, ҳиндистонлик иқтидор эгаси Рамешбабу Праггнанандҳа билан иккинчи партияда ҳам дуранг ўйнади. Бугун ҳар икки учрашувда ғолиб номини аниқлаб берувчи қўшимча тай-брек партия ўтказилади. 

Эслатиб ўтамиз, Бокудаги жаҳон Кубоги чемпионлик тожи учун саралаш вазифасини ҳам ўтаб беряпти. Кучли учликдан жой олган гроссмейстерлар даъвогарлар мусобақасига йўлланмани қўлга киритади.  

Жаҳон Кубоги. Эркаклар. Финал. Иккинчи партия

Рамешбабу Праггнанандха (Ҳиндистон) - Магнус Карлсен (Норвегия) – 1:1 

Жаҳон Кубоги. Эркаклар. 3-ўрин учун баҳс. Иккинчи партия

Фабиано Каруана (АҚШ) - Нижат Абасов (Озарбайжон) – 1:1