Жаҳон Кубоги. Финалнинг илк партиясида муроса, Абасовда эса ғалаба

Эркаклар ўртасидаги баҳсларда финал ҳамда 3-ўрин учун учрашувнинг илк партиялари ўйналди. Учинчи ўрин учун кечаётган учрашувда мусобақа кашфиётига айланган озарбайжонлик Нижат Абасов дунё рейтингида учинчи ўринни эгаллаб турган америкалик Фабиано Каруанани мағлуб этишни уддалади.   

Ҳал қилувчи финал баҳсида эса собиқ жаҳон чемпиони, норвегиялик Магнус Карлсен яна бир кашфиёт, ҳиндистонлик иқтидор эгаси Рамешбабу Праггнанандҳа билан дуранг ўйнади. Бугун ҳар икки учрашувда иккинчи партия ўтказилади. Абасов учун дуранг кифоя қилади. 

Эслатиб ўтамиз, Бокудаги жаҳон Кубоги чемпионлик тожи учун саралаш вазифасини ҳам ўтаб беряпти. Кучли учликдан жой олган гроссмейстерлар даъвогарлар мусобақасига йўлланмани қўлга киритади.  

Жаҳон Кубоги. Эркаклар. Финал. Биринчи партия

Магнус Карлсен (Норвегия) - Рамешбабу Праггнанандха (Ҳиндистон) – 0,5:0,5 

Жаҳон Кубоги. Эркаклар. 3-ўрин учун баҳс. Биринчи партия

Нижат Абасов (Озарбайжон) – Фабиано Каруана (АҚШ) - 1:0