16 мар 13:58
Янгиликлар

Гандбол

Жаҳон Кубоги. U-19 гандбол термамиз бронза, U-21 ёшларимиз эса олтин медаль учун ўйнайди + ФОТО

Косовонинг Приштина шаҳрида ўтказилаётган ўсмирлар (U-19) ва ёшлар (U-21) жамоалари ўртасидаги Халқаро гандбол федерацияси кубогининг қитъалараро босқичи ниҳоясига етиш арафасида.

Кеча U-19 биринчилигининг ярим финалида Ўзбекистон термаси Нигерия билан баҳс олиб бориб, 29:43 ҳисобида имкониятни бой бериб қўйди. Энди вакилларимиз бронза медаллари йўлида АҚШ термаси билан тўқнаш келади. Ўсмирларимиз мусобақанинг гуруҳ босқичида океан орти вакилларини 33:32 ҳисобида мағлуб этганди. Бу уларнинг иккинчи тўқнашуви бўлади.

U-21 термамиз эса ярим финалда А-гуруҳининг ғолиби бўлмиш Болгарияни 41:33 ҳисобида доғда қолдирди. Энди уларга ҳам финал беллашувида АҚШ ёшлари рақиб бўлади.

Ҳар икки ўйин бугун ўтказилади.