Жаҳонгир Жумаев бир кунда икки бор жанг қилиб, Centurion FC Гран-Приси ғолибига айланди!

Кеча Дубай (БАА) шаҳрида аралаш жанг санъатлари бўйича Centurion FC промоушенининг навбатдаги мусобақаси бўлиб ўтди.

Қувонарлиси, мазкур мусобақада жанг қилган уч нафар ҳамюртимизнинг ҳар уччаласи ғалабага эришди:

Баҳромжон Рўзиев (2-0) — Моҳамед Мамдуҳ (4-3, Миср) - (2-раундда техник нокаут билан)
Феруз Усмонов (3-0) — Абделгани Сабер (5-1-1, Миср) - (Ҳакамлар қарори билан)

Шунингдек, яна бир ҳамюртимиз — Жаҳонгир Жумаев (10-3) эса Centurion FC Гран-Присида иштирок этиб, чемпионга айланди. Бу йўлда ҳамюртимизга биринчи бўлиб россиялик Абдулатип Магомедов (7-1) қаршилик қилди. Жумаев россиялик рақибини биринчи раунддаёқ сабмишен орқали мағлуб этди.

Гран-При финалида эса Жаҳонгир Жумаевга ирландиялик Николай Гроздев (6-2) рақиблик қилди. Ҳамюртимиз бу сафар ҳам биринчи раунддаёқ ғалабани расмийлаштирди ва яримўрта вазнда вакант бўлиб турган чемпионлик камарини ҳам қўлга киритди.