18 окт 00:14
Янгиликлар

Бокс/ММА

Жаҳонгир Жумаев UAE Warriors 45 турниридаги чемпионлик жангида россиялик рақибига мағлуб бўлди

Бирлашган Араб Амирликларининг Абу-Даби шаҳрида ММА бўйича UAE Warriors 45 турнири якунланди.

Маълум қилганимиздек, турнирнинг марказий жангида енгил вазн тоифасида ўзбекистонлик аралаш яккакураш устаси Жаҳонгир Жумаев (10-4-0) чемпионлик камари учун октагонга кўтарилди. Ҳамюртимизга россиялик Абру Магомедов (7-0-0) рақиблик қилди. Ҳар бири 5 дақиқадан иборат 5 раундлик жанг илк раунддаёқ якунланди. Унда афсуски Жаҳонгир Жумаев рақибига сабмишен туфайли муддатидан олдин мағлуб бўлди ва чемпионлик камаридан маҳрум бўлди.

Қайд этиш жоиз, Абру Магомедовни қўллаб-қувватлаш учун аренага Усман Нурмагомедов, Хасбик ва бошқа Россия ММА олами вакиллари ташриф буюрди.