Жаҳонгир Нажмиддиновнинг Octagon 70 турниридаги рақиби ўзгарди

Турнир доирасида ўзбекистонлик аралаш якка кураш устаси Жаҳонгир Нажмиддинов Қозоғистон вакили Еламан Жетписбай билан баҳс олиб бориши белгиланган эди.

Бироқ лига матбуот хизмати берган хабарга кўра, Жетписбай жароҳат туфайли жангдан чиққан. Энди Нажмиддинов тожикистонлик Амирхон Атахонов билан жанг қилади.

Мусобақанинг марказий жанги Қозоғистон вакили Эркебулан Токтар ва тожикистонлик Камиль Каратэ ўртасида BMF камари учун кечади.

Маълумот учун, Жаҳонгир Нажмиддинов фаолияти давомида ҳозиргача 18 та жанг ўтказиб, 10 та ғалаба, 6 та мағлубият ва 2 та дуранг қайд этган.  Амирхон Атахонов ҳисобида эса 6 та ғалаба ва 4 та мағлубият бор.