19 янв 12:02
Янгиликлар

Бокс/ММА

Жаҳонгир Расулов рингга қайтмоқда. Унинг бир ярим йиллик танаффусдан кейинги рақиби кубалик бўлади (ПОСТЕР)

Профессионал бокснинг супер енгил вазн тоифасида фаолият олиб борувчи ўзбекистонлик чарм қўлқоп устаси Жаҳонгир Расуловнинг навбатдаги жанги тафсилотлари ойдинлашди.

Ҳамюртимиз 24 январь куни Россия Федерациясининг Екатеринбург шаҳридаги "РМК аралаш яккакурашлар академияси"да ташкил этиладиган RCC Boxing Gran Prix турнири доирасида рингга кўтарилади. Унга ўша куни Куба вакили Даниэль Родригес рақиб бўлади.

Расулов фаолияти давомида ҳозиргача 9 та жангда қатнашиб, 7 ғалаба, 1 мағлубият ва 1 та дуранг қайд этган. У охирги жангини 2024 йилнинг сентябрь ойида россиялик Иван Козловскийга қарши ўтказиб, очколар ҳисобига кўра имкониятни бой берганди. Даниэль Родригес ҳисобида эса 10 та ғалаба ва 1 та мағлубият бор.