14 окт 11:34
Янгиликлар

Бокс/ММА

Жаҳонгир Зокиров эртанги жанги олдидан вазн ўлчаш ва face to face маросимида иштирок этди

Эртага тонгда АҚШнинг Техас штати Розенберг шаҳридаги "Fort Bend Community Center" аренада профессионал бокс оқшоми бўлиб ўтади.

Аввал хабар берганимиздек, ушбу бокс оқшоми доирасида оғир вазн тоифасида ҳаваскор боксда Ўзбекистон чемпиони, бир қатор халқаро мусобақалар ғолиби Жаҳонгир Зокиров ҳам рингга кўтарилади. Проф рингдаги дебют жангини ўтказадиган Жаҳонгирга эртага америкалик Гильермо Дел Рио (4-4-1) рақиблик қилади.

Оғир вазн тоифасида ўтказиладиган ушбу жанг 4 раунд этиб белгиланган. Боксчилар бугун тонгда вазн ўлчаш ва face to face маросимларида иштирок этишди.

Маълумот учун, марказий жанги қозоғистонлик Жанибек Алимханули ҳамда германиялик Винченцо Гуальтьери ўртасида кечадиган бокс оқшоми Тошкент вақти билан соат 06:00 да бошланади.