17 сен 18:18
Янгиликлар

Спорт курашлари

Жалгасбай Бердимуратов жаҳон чемпионатининг бронза медали cовриндори!

Қозоғистоннинг Нур-Султан шаҳрида спорт курашлари бўйича катталар ўртасидаги жаҳон чемпионати давом этмоқда.

Йилнинг ушбу нуфузли мусобақаси Токио-2020 Олимпиадасига лицензия бериши билан аҳамиятлидир. Куннинг биринчи ярмида икки юнон-рим курашчимиз Элмурат Тасмурадов ва Жалгасбай Бердимуратовнинг Токио-2020 Олимпия ўйинлари лицензиясини қўлга киритгани ҳақида хабар берган эдик.

-60 кг вазн тоифасидаги юртдошимиз, Рио-2016 Олимпиадаси бронза медали совриндори Элмурат Тасмурадов бронза медали учун кечган беллашувда эронлик Али Ризо Нежатига имкониятни бой бериб қўйди. -77 кг вазн тоифасида юртимиз шарафини ҳимоя қилган Жалгасбай Бердимуратов эса қозоғистонлик Асхат Дилмуҳаммедовни енгиб, жаҳон чемпионатининг бронза медалига эга чиқди.