Жалолиддиновнинг агенти: "Ўзбекистонда 12 нафар футболчи бизнинг мижозимиз"

"Локомотив" иқтидорли футболчини қўлга киритгани шубҳасиз. Мен клуб раҳбариятининг ўрнида бўлганимда ўзбекча гаплашиб олардим, журналистларни чақирардим ва таништирардим. "Локо" нима учун бундай қилмаганидан ҳайратландим. Томонларнинг келишуви ва ишлари ҳақида фикр билдиришим қийин. Мен шуни айтишим мумкинки, бу юз фоиз шаффоф трансфер. Футболчи келди, "Бунёдкор" эса яхшигина маблағга эга бўлди. Уни "Тамбов"га ижарага беришгани ва бошқа воқеалар бўлиб турадиган ҳолат. “Тамбов” раҳбарлари билан алоқаларим яхши. Тўғри у ўйнашни истамоқда. Кубокда майдонга тушди. Алексей Миранчук каби тайёр футболчи бўлганида бошқа гап эди.

Ҳа, компаниямиз кўплаб ўзбекистонлик футболчилар билан шартнома имзолаган. Уларни менежерлар кўришади, маълумот беришади. “Пахтакор”, “Бунёдкор” ва бошқа клублардан ҳам футболчилар мижозимиз ҳисобланади. Умумий ҳисобда 12 футболчи. Жалолиддинов атрофидаги зиддиятлар “Бунёдкор”нинг муаммоси. “Локомотив” ўз вазифасини бажарди. У эркин агент сифатида келди. Клуб ФИФА қоидаларига кўра компенсацияни тўлади. Жалолиддиновнинг шартномасида клуб истаётган пул ёзилган. “Бунёдкор” мўмайгина пулни олди. У ерда бир директор кетди, ўрнига бошқаси келди ва шартномани узоқ вақт топа олишмади. Бу – Ўзбекистон. Нима, Россияда бундай ҳолатлар бўлмайдими?",- дейди Белоус.