Жалоловнинг издоши World Boxing Кубогидаги юришимизни бошлаб берди

Аввал хабар берилганидек, ушбу нуфузли мусобақада Элшод Расулов мураббийлигидаги Ўзбекистон терма жамоасининг тўрт нафар боксчиси ҳимоя қилмоқда. 

Бугун тонг саҳарда Жаҳон Кубогидаги илк жангимиз ўтказилди. Унда оғир вазн тоифасидаги чарм қўлқоп устамиз, Баҳодир Жалоловнинг издоши сифатида эътироф этилаётган Жаҳонгир Зокиров руминиялик Флорин Ионитага қарши рингга кўтарилиб, рақибини ҳакамларнинг якдил қарори билан 5:0 ҳисобида мағлуб этди. Флорин илк босқичда австриялик Аҳмед Ҳагагдан устун келган эди. 

Қолган уч боксчимиз учун қуръа натижалари:

-48 кг. Фарзона Фозилова — Ҳафси (Тунис)/Фаҳир (Марокаш)

-51 кг. Феруза Казакова — Радия Гама (Бразилия)/Макси Клозе (Германия)

-65 кг. Навбаҳор Ҳамидова — Анна Женни (Швейцария)/Мена Юли (Венесуэла)