20 май 12:13
Янгиликлар

Бокс/ММА

Жамал Хилл иштирокидаги жанг бекор қилинди

29 июнь куни АҚШнинг Невада штати Лас-Вегас шаҳридаги "T-Mobile Arena"да UFC 303 турнири ўтказилади.

Оқшом доирасида яримоғир вазн тоифасида Лиганинг собиқ чемпиони, рейтингда учинчи ўринни эгаллаб турган америкалик Жамал Хилл ҳамюрти, рейтингнинг олтинчи поғонасидаги Халил Раунтри билан тўқнаш келиши керак эди.

Аммо Раунтри жангдан олдин ташкил этилган допинг тест назоратидан ўта олмаган. Натижада ташкилотчилар жангни бекор қилишган.

Маълумот учун, UFC 303 турнирининг марказий жанги икки вазнда собиқ UFC чемпиони Конор Макгрегор ҳамда америкалик Майкл Чендлер ўртасида кечади.