Жами 26 та медалга эга Ўзбекистон паралимпиячилари нечанчи ўринда?

Кечаги кун доирасида ўзбекистонлик паралимпиячилар 1 тадан олтин, кумуш ва бронза медалини қўлга киритди. Кечаги куннинг биз учун ягона олтин медали пара енгил атлетикачимиз Нурхон Қурбонова Ўзбекистон делегациясига тақдим этди. Бу Париж паралимпия ўйинларидаги ўнинчи олтин медалимиз бўлди. 

Бугунги кун олдидан Ўзбекистон спорт делегацияси 10 та олтин, 9 та кумуш, 7 та бронза, жами 26 та медаль билан умумжамоа ҳисобида 13-ўринни эгаллаб турибди. Кеча 12-поғонада эдик. Биз сингари 10 та олтин, 9 та кумуш медалга эга Канада терма жамоаси 12-ўринга кўтарилиб олди. Океан орти вакиллари ҳисобида 10 та бронза медали бор. 

Кеча 11 та олтин медаль қўлга киритган Хитой Республикасининг умумий медаллари 200 тадан ошди. Чин юрти вакиллари 94 та олтин, 73 та кумуш, 49 та бронза, жами 216 та медаль билан рўйхатда катта устунлик билан пешқадамликни давом эттирмоқда. Қирқ еттита олтин, 42 та кумуш, 31 та бронза медалига эга Буюк Британия иккинчи ўринни эгаллаб турибди. АҚШ спортчилари 36 та олтин, 41 та кумуш, 25 та бронза медали билан кучли учликка якун ясашган. Нидерландия делегацияси 26 та олтин, 17 та кумуш, 12 та бронза медали тўртинчи поғонадан жой олган.  

Биздан аввалги ўринларни Канада, Германия, Япония, Австралия, Франция, Украина, Бразилия ва Италия терма жамоалари банд этган. Жами 66 давлат делегациялари ҳисобида камида 1 тадан олтин медаль бор. Камида 1 та бронза медалини қўлга киритган давлатлар сони 85 тага етди.