Жамоавий баҳсларда бронза медали қўлга киритилди

Хабар берганимиздек, бугун мусобақанинг сўнгги тўртинчи куни жамоавий баҳслар ўтказилмоқда. Бироз аввал Ўзбекистон терма жамоаси мезбонлар - қирғизистонлик дзюдочиларни 4:1 ҳисобида мағлубиятга учратиб, Осиё-Океания чемпионатининг жамоавий баҳсларидаги бронза медалини қўлга киритди.

Терма жамоамиз аввалига Турманистондан устун келганди. Аммо, ярим финалда Жанубий Корея дзюдочиларига имконият бой берилганди. Финалда Жанубий Корея терма жамоаси Қозоғистонни 4:2 ҳисобида енгди. 

Шу тариқа, Ўзбекистон терма жамоаси Осиё-Океания чемпионатидаги иштирокини якунлади. Жамоамиз яккалик баҳсларида 3 та олтин, 2 та кумуш, 5 та бронза медали билан умумжамоа ҳисобида 29 давлат орасида 2-ўринни банд этганди.