07 янв 18:45
Янгиликлар

Бокс/ММА

Жангга 12 кун қолганида Махачев ва Царукяннинг бурчагидаги секундантлар маълум бўлди

Бизнинг вақт билан 19 январь тонгида АҚШнинг Лос-Анжелесида 2025 йилнинг илк рақамланган UFC турнири бўлиб ўтади.

UFC 311 турнирининг марказий жанги енгил вазн тоифаси чемпиони Ислам Махачев ҳамда дивизион рейтингида биринчи ўринни эгаллаб турган Арман Царукян ўртасида ўтказилади. Турнирга 12 кун қолган бир пайтда жангчиларнинг бурчагида ишловчи секундантлар маълум бўлди.

Царукяннинг жамоаси: Эдуард Вартанян, Роман Калантарян, Артём Левин, Маркос ДаМатта.

Махачевнинг жамоаси: Хабиб Нурмагомедов, Хавьер Мендес, Муслим Амирасланов, Ислам Мамедов.

Эслатиб ўтамиз, Махачев ва Царукян ўртасидаги илк жанг 2019 йилнинг апрель ойида UFC Fight Night 149 турнири доирасида ўтказилиб, ўшанда Ислам ҳакамларнинг якдил қарори билан очколар бўйича ғалаба қозонганди.