Жанги бекор бўлган Нурмагомедовга янги рақиб берилди

Россиялик аралаш яккакураш устасининг жамоасига яқин бўлган хабардор манбаларнинг айтишича, унинг рақиби ўта енгил дивизион рейтингида бешинчи ўринни эгаллаб турган хитойлик Сонг Ядонг бўлади, жанг эса бошқа санага кўчирилади.

Аввалроқ, ўн кун олдин Дэейвесон Фигередони гилотина усулида бўғиб қўйган Сонг 29 август куни Шанхайдаги UFC турнирида октагонга қайтиши хабар қилинганди. Нурмагомедов ва Сонг ўртасидаги жанг ушбу тадбирнинг асосий воқеаси бўлиши эҳтимолдан холи эмас.

Ўтган йилнинг январь ойида Умар Нурмагомедов Мераб Двалишвилининг чемпионлик камарини тортиб олишга муваффақиятсиз уриниб, рақобатли курашда ҳакамларнинг якдил қарори билан ютқазиб қўйганди. Шундан сўнг у Марио Баутиста ва Дэйвесон Фигередони таслим этди. Айни пайтда россиялик UFC ўта енгил дивизиони рейтингида иккинчи ўринни эгаллаб турибди.