Жанибек Алимханулининг "Б" допинг намунаси ҳам ижобий чиқди

Бу ҳақда Қозоғистон профессионал бокс федерацияси президенти Раҳимжан Ерденбеков маълум қилди.

"Яқинда АҚШдан WADA томонидан юборилган 34 бетлик якуний экспертиза хулосаси келди. Ҳа, “Б” намунаси тасдиқланди.

Ҳозир асосий савол — у буни онгли равишда қабул қилдими ёки бу модда унинг организмига қандайдир йўл билан тушиб қолганми? Ҳозирча масала шу ерда турибди", — деди Ерденбеков.

Эслатиб ўтамиз, аввалроқ Алимханули допинг тестдан ўта олмагани, унинг таҳлилларида мельдоний моддаси аниқлангани маълум бўлган эди. Шу сабабли 7 декабрь куни АҚШнинг Сан-Антонио шаҳрида бўлиб ўтиши керак бўлган, кубалик Эрисланди Ларага қарши ўрта вазндаги (72,6 кг) бирлаштирувчи жанг бекор қилинган.