28 апр 10:22
Янгиликлар

Дзюдо

"Жар"да "Осиё болалари" халқаро фестивалига республика саралаш мусобақаси бошланди

Шу йилнинг 27 июль - 8 август кунлари Россиянинг Владивосток шаҳрида "Осиё болалари" халқаро фестивали бўлиб ўтади.

Ушбу комплекс мусобақада дунёнинг 26 давлатидан 1650 нафар атлет 19 та спорт тури бўйича 275 та медаллар жамланмаси учун баҳс олиб боради.

Фестиваль дастуридан дзюдо спорт тури ҳам ўрин олган бўлиб, унда Ўзбекистон терма жамоасининг иштирок этиши режалаштирилган. Бироз аввал пойтахтимиздаги "Жар" спорт мажмуасида "Осиё болалари" фестивалига саралаш вазифасини ўтаб берувчи республика турнири старт олди.

Мусобақада Қорақалпоғистон Республикаси, барча вилоятлар ҳамда Тошкент шаҳридан 2006-2007 йилларда таваллуд топган жами 600 нафарга яқин дзюдочилар татамига чиқяпти. Ўз вазн тоифаларида ғолиб бўлган дзюдочилар "Осиё ўйинлари" фестивалида юртимиз шарафини ҳимоя қилиш ҳуқукини қўлга киритишади.