"Жаско Коач" ва Рамазон Темиров Жасур Мирзамуҳаммедовнинг мағлубиятига муносабат билдиришди

Оғир вазнда ўзбекистонлик ONE FC жангчиси, 36 ёшли Жасур Мирзамуҳаммедов (4-1) ONE on Prime Video 5 мусобақаси доирасида сенегаллик Омар Коне (5-1)га қарши жанг қилиб, очколар ҳисобига кўра мағлуб бўлди.

Ушбу жангга Мирзамуҳаммедовнинг мураббийи Жасур Алижонов (Жаско Коач) ҳамда жамоадоши Рамазон Темиров ҳамюртимизни қўллаб-қувватлаган ҳолда муносабат билдиришди.

"Ассалому алайкум ҳаммага. ONE FC лигасида ҳакамлар ҳисоби билан жангда ютқаздик. Хатоларимиз бўлди, бунинг устида ишлаймиз. Ҳисоб: ONE FC'да битта ғалаба ва битта мағлубият. Яна тўртта жангимиз бор. Худо хоҳласа, кейинги жангларда кучли бўлиб қайтамиз. Ҳаммага омад, ким дуо қилган бўлса, биз билан бўлган бўлса, раҳмат каттакон", - дея айтиб ўтган Филиппинга Мирзамуҳаммедов билан бирга борган Алижонов.

"Ютиш-ютқазиш ҳаммаси Аллоҳдан. Ин ша Аллаҳ ҳали кучли бўлиб қайтасиз ака", - деб ёзган Рамазон Темиров.