Жасмина ва Шоҳида рейтинг турнири финалида, яна икки вакиламиз бронза учун курашади

Қувонарлиси, бироз аввал аёллар ўртасидаги беллашувларда икки вакиламиз финал йўлланмасини қўлга киритди. Ёшлар Олимпиадаси бронза медали совриндори Шоҳида Аҳмедова финалда олтин медаль учун курашадиган бўлди. 55 кг вазндаги курашчимиз 1/2 финалда ҳиндистонлик Сушма Шокинни муддатидан аввал мағлуб (9-0) эта олди. Унинг финалдаги рақибаси қозоғистонлик Марина Седнева бўлади. Бу икки курашчининг иккинчи даврадаги ўзаро баҳсиида Седнева 12-9 ҳисобида устун келганди.  

50 кг вазнда юртимиз шарафини ҳимоя қилаётган Жасмина Иммаева эса 1/4 финалда қозоғистонлик Светлана Анкичевани 7-0, 1/2 финалда мўғулистонлик Отгонжаргал Долгоржавни сўнгги балл (6-6) эвазига енгди. Энди Жасмина олтин медаль учун яна бир мўғул курашчиси Намуунтсегтсег Тсогт Очирга қарши гиламга чиқади.   

Шунингдек, кечки дастурда курашчи-қизларимиздан Актенге Кеунимжаева (53 кг) мўғулистонлик Буман Энхболдга, Ариухан Жумабаева (65 кг) қозоғистонлик Гауҳар Мукатайга қарши бронза медали учун баҳс олиб боради.