22 янв 14:54
Янгиликлар

Бокс/ММА

Жастин Гэтжи UFC`нинг бонуслар тизимини танқид қилди

Енгил вазнда UFC чемпионлик камари учун собиқ даъвогар америкалик 37 ёшли Жастин Гэтжи Дана Уайт промоушенидаги бонуслар тизимини танқид остига олди.

"Эҳ, жин урсин, мен 14 та бонус олдим, лекин улар умумий ҳисобда 1 миллион долларга ҳам тенг эмас - бу нотўғри муносабат. Бонуслар анча кўп бўлиши керак. Албатта, мен ҳам ўз пулларимни ақллироқ тасарруф қилишим керак эди, лекин бундай қилмадим. Ҳозиргача Даниэль Кормье турнирнинг барча жангчилари (Paramount билан келишув туфайли) кўпроқ пул олишини айтганини эшитиб қоламан. Мен бу битимдан ортиқча доллар олмайман", - дея Гэтжининг сўзларини келтиради MMAJunkie нашри.

Маълумот учун, Жастин навбатдаги жангини вақтинчалик енгил вазн тоифаси чемпионлиги учун британиялик Пэдди Пимблеттга қарши ўтказади. Жанг 25 январь куни Лас-Вегас (АҚШ) шаҳрида бўлиб ўтадиган UFC 324 турнирининг асосий тўқнашувига айланади.