Жастин Гэтжи: Хабибни мағлуб этсам, Макгрегор ўз оёғи билан қайтади

Америкаликнинг айтишича, ирландиялик спортчининг ўзи октагонга қайтади. 

"Ўйлашимча, Макгрегор яна жанг ўтказади. У Хабиб билан жангим қандай натижа билан якунланишини кутади. Агар мен Нурмагомедовни мағлуб этсам, у албатта қайтади. Мабодо, Хабиб ғалаба қозонса, у ҳолда қайтмаса керак.

Нима бўлган тақдирда ҳам у - афсона! Ундан бу мақомни тортиб ололмайсиз. Конор бир жангчи орзусидаги барча муваффақиятга эришиб бўлган. Унинг қаршисида шляпамни ечаман. Лекин шу билан бирга юзига тарсаки туширишимни ҳам орзиқиб кутаман", — деди Гэтжи ESPN каналига берган интервьюсида.