23 июн 11:42
Янгиликлар

Бокс/ММА

Жасур Алижонов бу сафар ҳам UFC'да Маҳмуд Мурадовга секундантлик қиладими?

22 июль куни Буюк Британиянинг Лондон шаҳрида UFC Fight Night турнири бўлиб ўтади.

Мазкур мусобақа доирасида ўрта вазн тоифасида ўзбекистонлик UFC жангчиси Маҳмуд Мурадов (25-8) АҚШ вакили Брайан Барберена (18-10) билан жанг қилади.

Muradov Legion Team жамоаси мураббийи Жасур Алижонов бўлажак жангда Мурадовга секундантлик қилиши эҳтимоли 50/50 эканини айтди:

"Бу сафар билмадим - 50/50. Чунки, шу ой охирида Тбилисида (Грузия) ҳам икки нафар шогирдим жанг қилади. Шунга аниқ бир нарса дея олмайман. У ерга бораманми ёки шогирдларим билан кетаманми? Лекин Маҳмуд томонидан менга расман таклиф келди", - деди Алижонов.