17 фев 14:18
Янгиликлар

Бокс/ММА

Жасур Алижонов Octagon лигасига апелляция берди

Ўзбекистонлик ММА жангчиси Жаҳонгир Нажмиддиновнинг мураббийи Жасур Алижонов Octagon лигасига апелляция ёзди.

Нажмиддинов кеча ўтказилган Octagon 55 турнирида озарбайжонлик Анар Азизли билан жанг қилиб, очколар ҳисобига кўра мағлубиятга учраган эди.

"Жаҳонгирга ўзи беш раундлик жанг олишимиз керак, чунки у 3-раундда уйғонади. Апелляция ёздик, менимча, жанг дуранг бўлганди. Биринчи раундда Жаҳонгир ютқазди, иккинчи раунд дуранг бўлди, учинчи раундда эса яққол ютдик. UFC'да ҳам раундлар бўйича умумий ҳисоб берилади. Бу ерда мен Жаҳонгир ютди ёки дуранг бўлди, деб ўйлаган эдим", деди Алижонов.