14 фев 20:26
Янгиликлар
Шахмат
Жавоҳир Синдаров ҳам Freestyle Chess Grand Slam турниридаги иштирокини тугатди
Вайссенхаус шаҳрида ўтказилаётган соврин жамғармаси 750 000 АҚШ долларини ташкил этувчи шахмат бўйича нуфузли турнир ўз якуни сари яқинлашмоқда.
Афсуски, учинчи ўрин учун кечган қарама-қаршиликда Жавоҳир Синдаров норвегиялик афсона Магнус Карлсенга иккинчи учрашувда ҳам имкониятни бой берди. Кеча ўтган илк баҳсда ҳам тажрибали Магнус зафар қучганди. Бугун у қора доналарда ҳам Жавоҳирни ютди. Саралаш босқичидаги учрашувда эса Синдаров номдор рақибини мағлубиятга учрата олганди.
Шу тариқа, мусобақага тасодиф ва омад эвазига қўшилиб қолган Жавоҳир Синдаров Freestyle Chess Grand Slam турниридаги иштирокини 4-ўринда якунлади. У 60 000 АҚШ доллари миқдоридаги мукофот пулини ҳам қўлга киритди. Магнус Карлсен эса 3-ўрин билан бирга 100 000 долларга ҳам эга бўлди.
Ҳавола :
Манба : olamsport.com
Фикрлар