15 апр 18:24
Янгиликлар

Шахмат

Жавоҳир Синдаров "Номзодлар турнири"ни мағлубиятсиз якунлади

Кипрда якунига етиб бораётган шахмат бўйича "Номзодлар турнири"нинг Жавоҳир Синдаров иштирокидаги сўнгги 14-тур партияси 32-юришдан сўнг тўхтатилди.

Муддатидан аввал мусобақа чемпионлиги билан бирга Жаҳон тожи учун матчда қатнашиш ҳуқуқини қўлга киритган Жавоҳир Синдаров 14-турда хитойлик Вей Йи билан тезкор дурангга имзо чекди. Партия 32-юришдан сўнг тўхтатилган.

Шу тариқа, амалдаги жаҳон Кубоги соҳиби бўлган ҳамюртимиз мукофот жамғармаси 1 миллион АҚШ долларини ташкил этган "Номзодлар турнири"ни мағлубиятсиз якунлади - 6 ғалаба ва 8 дуранг!