Жавоҳир Синдаров Titled Tuesday турнири ғолиби!

Мусобақада фақат расмий шахмат унвонига (GM, IM, FM ва бошқалар) эга шахматчилар иштирок этади. Турнир формати швейцарча тизимда 11 раунддан иборат бўлиб, ҳар бир партия 5 дақиқа вақт назорати билан ўйналади. 

Қувонарлиси, кечаги турнирда ҳамюртимиз Жавоҳир Синдаров чемпионликни қўлга киритди. Гроссмейстеримиз 11 имкониятдан 9,5 очко жамғариб, қўшимча кўрсаткичларга кўра турнир ғолиби бўлди. Жавоҳир сингари 9,5 очко тўплаган грузиялик Дмитрий Андрейкин ва франциялик Максим Вашье-Лаграв кучли учликдан жой олди.  

Эслатиб ўтамиз, Жавоҳир Синдаров бу йил ҳисобидан учинчи маротаба ушбу турнир ғолиблигини қўлга киритди. У бир ой аввал ҳам 9,5 очко жамғариб, чемпионликка эришганди. Ўшанда Синдаров Ян Непомнянший, Владислав Артемьев, Максим Вашье-Лаграв сингари таниқли рақибларини таслим этганди. Жавоҳирга бу йил ҳисобидан Titled Tuesday турниридаги илк чемпионлик январь ойида насиб этган эди.